唔掂買到掂！車路士即將再簽2新兵

車路士今夏聘請馬利斯卡執教，呢位意大利領隊短時間內已簽入6名新兵，不過頭2場熱身賽1和1負，成績並唔理想。車路士勝在肯使錢，據報佢哋已非接接近簽入2名新兵，丹麥門將佐真遜同阿根廷年輕守將安斯文素將會進行體測，完成後正式簽約。

車路士一直希望簽入新門將，同羅拔山齊士競爭正選，球隊日前同意用2,070萬鎊收購維拉利爾嘅佐真遜，呢位22歲門將已飛去美國做體測，並且會合喺當地集訓嘅車路士大軍。同一時間，車路士亦會用1,560萬鎊簽入小保加守將安素文奴，並已安排佢飛倫敦做體測，傳聞車路士可能會將佢外借番畀小保加，等佢喺阿甲繼續磨練。

車路士今夏已簽入6名新兵，包括3,000萬鎊收購英格蘭中場達斯貝利賀爾、自由身簽入中堅艾達拉比奧約以及葡萄牙左閘連拿度維加等等。