落入銅牌戰　杜凱琹：會盡百分之二百努力

香港乒乓代表黃鎮廷／杜凱琹在巴黎奧運混雙4強不敵北韓組合，落入銅牌戰，兩人賽後難掩失望，不過黃鎮廷表示要收拾心情應付銅牌戰，杜凱琹表示會盡百分之二百努力打好比賽。

黃鎮廷先多謝大家晚上睇直播，他表示：「我哋已經拚搏到最後，亦已經盡咗最大努力，面對北韓這支異軍，能夠入到前4，任何一隊都不易應付，其實面對北韓，我哋先係異軍突起，我哋都搏到最後，但最後都失敗咗。」

黃鎮廷其後指出：「我哋要收拾心情，聽日仲有銅牌戰，仲有機會攞到牌，為港爭光。」對於輍早前要應付單打賽事，黃鎮廷表示：「剛開始時諗住保留少少，保住體力，但對方打得十分之凶，亦打得好好，不過對我體力冇影響，因為我哋都習慣兼顧兩至三項比賽，一日打兩三場都應付到。」

杜凱琹表示：「聽日銅牌戰係我哋混雙最後一場比賽，我哋會盡百分之二百努力，會搏到盡。」兩人亦感謝香港打氣團來到巴黎為佢哋打氣，令佢哋感覺有如置身主場，亦多謝電視機前嘅觀眾。