曼聯計劃建10萬人「新奧脫福」　年底拍板

曼聯自新老闆拉特克利夫入主後，由內到外積極重建，據英國傳媒報道，曼聯將會斥資20億鎊興建一個可以容納10萬人嘅新球場，希望可以喺2030年落成，預計今個年底會有正式公布。

曼聯一直考慮要「起新球場」或者「擴建奧脫福」2個方案，不過拉特克利夫就屬意打造「新奧脫福」，落成後新球場可容納10萬人，超越溫布萊球場成為英國最大球場，喺歐洲亦只係僅次於巴塞隆拿嘅魯營球場(10,500人)。

新球場嘅選址喺正奧脫福球場隔離，好處係施工期間，曼聯可以繼續留喺奧脫福比賽，不過20億鎊嘅建造費，拉特克利夫同格拉沙家族肯定唔能夠獨力承擔，據報佢哋會尋求投資者，亦考慮將球場冠名權出售。