【官宣】基羅納借用拜恩基爾

西甲勁旅基羅納周二(30日)宣布，球隊向熱刺借用西班牙翼鋒拜恩基爾1季，佢將會取代轉投曼城嘅巴西翼鋒沙維奧位置。

基羅納上季彈起，成功拎到歐聯參賽資格，不過今夏就面臨拆骨危機，兩位借用球星艾利加西亞同恩古圖都離隊，巴西翼鋒沙維奧又被曼城收購，所以急需補充實力。

基羅納周二證實借用23歲嘅拜恩基爾1季，借用完結後有權用1,500萬歐元將佢買斷，呢位翼鋒3年前喺西維爾成名，以盤扭技術高超見稱。