荷蘭泳手兜襠布泳褲爆紅　落水變透明

巴黎奧運泳池近日有位荷蘭男泳手在網上爆紅，原因係佢穿着一條泳褲，肉色部分同佢膚色結合後，變成一塊兜襠布，落水之後仲好笑，幾乎變裸泳，引起熱烈討論。

事件主角係荷蘭28歲泳手卡明加（Arno Kamminga），佢早前喺男子100米蛙泳上陣，以59秒12獲得銀牌，不過電視觀眾就錯晒重點，集中討論佢條泳褲，話佢夠晒大膽，挑戰電檢尺度。

由於太受關注，卡明加周一（29日）在社交平台出po，用咗「心痛」表情，留言話：「呢個唔係我嚟奧運嘅目的。」

不過網民就繼續談論，問佢做乜着條兜襠布出嚟，又有網民抵死表示呢條泳褲令佢聯想到「大閘蟹」腹部嗰個三角形。