遇上「性別測試失敗」拳手　意大利女將投降

巴黎奧運賽場爭議不絕，今次係性別爭議，女子66公斤16強賽事，阿爾及利亞拳手Imane Khelif雖然連續兩年未能通過性別測試，但仍獲奧委會容許參加女子拳賽，嚟到16強階段，同佢打嘅意大利選手Angela Carini慘遭打崩鼻投降，交手46秒扯白旗投降。

雖然奧運拳賽只計點數，好少會擊倒對手，不過今場唔同，兩人對戰，Imane Khelif連續兩記勾拳打中Angela Carini，已經將佢個鼻打崩，Angela Carini自知不能力敵，僅46秒棄權，然後跪地痛哭，大叫唔公平，至於點樣唔公平，觀眾們心裡有數。

Imane Khelif報稱為女性，但佢連續兩年未能通過性別測試，早已被國際拳擊協會禁賽，但就獲得巴黎奧運賽會批准上陣，呢位「女拳手」喺擂台上梗係橫掃啦。