前李斯特城领队因病去世　占美华迪哀悼

曾经执教李斯特城嘅英格兰领队格力沙士比亚，周四(1日)不敌病魔与世长辞，享年60年。李斯特城传奇占美华迪等球员，纷纷喺社交网表示哀悼。

格力沙士比亚上年底证实患上癌症，周四喺家人陪伴下安详离世，佢嘅家人发声明表示：“格力沙士比亚喺所有家人陪伴下，喺屋企安详离开，全家人都为佢嘅足球成就感到光荣，佢永远都系受大家爱戴嘅好丈夫、好儿子、好爸爸、好兄弟同好叔叔。”

格力沙士比亚球员生涯效力过华素尔、西布朗同甘士比等球会，教练生涯成就更高，李斯特城喺15/16球季童话式夺英超冠军，格力沙士比亚就担任云尼亚里嘅副手，并喺2017年担任过李斯特城主帅。同佢共事多年嘅占美华迪得悉噩耗后，喺社交网表示：“我冇任何嘢可以讲，只有极度伤心，格力安息吧！”