韋斯咸出招斟富克洛　拿高斯文呼籲轉會

據德國《天空體育》報道，英超勁旅韋斯咸向多蒙特開價2,500萬歐元，希望收購德國「空中霸王」富克洛，消息指德國領隊拿高斯文都讚成富克洛轉會。

韋斯咸領隊盧比迪古一直想簽入一線前鋒，目標直指31歲德國國腳富克洛，開價2,500萬歐元外，亦會開出同多蒙特睇齊嘅250萬歐元年薪，3+1年長約對呢位老將無疑係極大吸引力。

報道指富克洛收到斟介後，曾詢問德國領隊拿高斯文、助教辛度華拿等人意見，佢哋都認為富克洛應該轉會，尋求穩定正選上陣機會，為2年後世界盃決賽周做準備。

多蒙特今夏已簽入前鋒古拉斯，富克洛嘅上陣機會將會減少，去韋斯咸有助佢保住德國國家隊席位。