劉允祐公路賽幫李思穎探路：斜路真係斜

奧運單車男子公路賽，經過超過6小時激戰終於結束，比利時車手艾弗奈保奪金，時間6小時19分34秒，兩名法國選手馬度亞斯及拿樸迪獲銀銅牌，香港代表劉允祐未能完成比賽，但已經幫隊友女子公路賽代表李思穎探路，他說：「斜路真係斜。」

劉允祐中途退出比賽，他說：「表現可以更好，但已盡力，法國單車文化好濃厚，成個體驗是好好，觀眾很熱情，無論領先落後都會幫你打氣，給你動力」

「170公里時體力出現狀況，當時慢慢被甩開，自己內心都知道，身體不能承受，當時心想希望可以入到城區，至少兜一個圈，好遺憾因為有時間限制，過咗就要上車。」

對於今次奧運體驗和啟發，他說「這幾年高高低低，發覺當你不特別去想，就會得到，可能有時辛苦位要堅持落去，過咗去就有雨後彩虹。」

劉允祐同時亦會幫李思穎準備明天的女子公路賽，他建議：「斜路是相對斜，佢要有心理準備。」