利物浦睇中阿根廷奧運腳　做羅拔臣接班人

阿根廷男奧足喺巴黎奧運8強出局，不過年輕左閘祖利奧蘇拿就有出色表現，據報已獲英超勁旅利物浦垂青，有望以1,300萬鎊轉會費加盟，做安德魯羅拔臣嘅接班人。

19歲嘅祖利奧蘇拿效力阿甲拉魯斯，上季開始逐步成為球隊主力，在巴黎奧運4場賽比賽都有上陣，並且錄得1次助攻。據英國《太陽報》報道，拉魯斯索價1,300萬鎊，符合利物浦嘅轉會費預算，而祖利奧蘇拿將有時間慢慢適應英超比賽節奏，球會視佢為30歲嘅安德魯羅拔臣長期接班人。

葡萄牙傳媒指出，波圖亦有興趣收購呢位阿根廷新晉左閘，不過祖利奧蘇拿就屬意去英超發展，加盟利物浦更加係千載難逢嘅機會。