坦哈格奇招砌曼城　查頓辛祖改踢「假9」

曼聯星期六(10日)將會喺社區盾大戰曼城，不過箭頭位置就選擇唔多，首席前鋒海倫因傷肯定缺陣，新加盟嘅約舒亞舒克斯亦要時間適應，領隊坦哈格日前表示，將考慮安排查頓辛祖擔任「假9號」位置。

今屆改着9號嘅海倫，早前喺美國熱身賽大腿受傷要抖6個星期，嚟緊「曼市打吡」要出奇招，坦哈格表示：「海倫唔踢得，辛祖出任『假9』係一個可行方法。當然仲有約舒亞舒克斯，但佢只係開始練習咗冇幾耐，而且要時間適應新生活同新踢法，所以辛祖絕踢前鋒絕對可以考慮。」

坦哈格表示，拉舒福特踢箭頭都係選擇之一，不過消息指「福仔」季前熱身賽擔任左翼，表現有回勇迹象，所以多數會畀佢繼續向左翼位置發展，今個夏天同坦哈格冰釋之嫌嘅辛祖，有機會喺新角式殺出血路。