曼聯宣布約羅手術成功　11月再見！

曼聯周二(6日)宣布，夏天加盟嘅法國中堅約羅，已進行手術根治腳部傷患，將會休戰大約3個月。曼聯領隊坦哈格亦證實，荷蘭左閘杜維爾馬拉西亞短期內無法復出，預計仍要缺陣2個月。

18歲嘅約羅早前喺美國之旅熱身賽對阿仙奴傷出，檢查後發現蹠骨骨折，球會聲明證實：「約羅已順利完成腳部手術，佢嘅復康療程即刻展開，期待約羅大約3個月後回歸。」

另外，上季因傷患全季未有上陣嘅杜維爾馬拉西亞，終於更新傷患情況，坦哈格表示：「馬拉西亞離復出唔遠，好快就會參加操練同比賽，我諗可能2個月左右就OK。」