馬體會與U14球員切磋球技　傑志女足趁機打卡

傑志對馬德里體育會的友賽即將舉行，周二（6日）朝早部分馬體會球員，便來到賽馬會傑志中心出席港超聯賽會足球活動，與7支港超聯球會U14青年軍代表交流。隨後負責維持秩序的傑志女足球員亦趁機打卡，當中鍾貝琪、曾浩恩同樣對祖奧菲歷斯情有獨鍾。

馬體會是日早上先在旺角大球場進行操練，收操後隨即派出韋素、湯馬士林馬、祖奧菲歷斯、莫度雲、艾化華美倫和查維加蘭6名球員，來到賽馬會傑志中心與7支港超聯球隊U14球員踢分隊賽，互相切磋球技。隨後6人更走入室內，輪流與小朋友合照和簽名，全部來者不拒，相當親民，此時原先負責維持今次活動秩序的傑志女子隊球員，亦來到現場找馬體會球星「打卡」，場面十分愉快。今次活動上，2019年歐洲金童獎得主祖奧菲歷斯絕對是全場焦點，其中標準流浪U14小將Issac便對他讚不絕口：「佢成個人好有自信、進攻好有創意，變化好多，係一個好好隊友。自己踢後衞，如果要守依類球員真係好難。」

至於兩名「藍鳥」女足球員鍾貝琪、曾浩恩（Letti）亦齊稱最愛祖奧菲歷斯，「阿K」笑言：「最靚仔嘅馬高斯洛蘭迪冇嚟，但菲歷斯都幾靚仔！開頭睇電視或者社交媒體以為佢哋身形普通，但嚟到現場睇其實幾高大，同埋感受到佢哋好友善，一啲都唔冷漠，所有人揾佢影相、簽名都可以，今次安排得好好。」而Letti則笑言：「因為佢踢球會同國家隊都好勁，真人又同電視一樣咁靚仔。好開心球會畀機會我哋，咁近見到依啲大球星，感覺好唔真實。」

除此之外，馬體會主教練施蒙尼，連同球員艾斯派古達、高基、索洛夫、森美爾連奴、洛迪高列基美及馬高斯洛蘭迪，同日亦與球迷坐電車遊覽港島，途中更試食菠蘿包等港式美食。