辛真高改着17號　背後有個暖心故事

英超新球季即將展開，各位想印波衫號碼嘅球迷要留意，因為唔少球員改冧巴，原本着35號嘅阿仙奴左閘辛真高將會改着17號，同佢踢烏克蘭國家隊一樣號碼。

薛迪索拉斯今夏離開阿仙奴之後，騰出17號球衣，辛真高趁機要求換號碼，佢話：「17號對我而言非常特別，因為我青年軍時期已經着呢個冧巴，所以為國家隊比賽，我一直着17號，薛迪索拉斯離隊後，我問過球會可唔可以換號碼，大家都支持我嘅決定，最重要係如果有人買咗印有我名字嘅新一季阿仙奴35號球衣，佢哋可以免費更換。」

辛真高上季為阿仙奴上陣35場，並有1球進帳，但佢一直被批評防守能力欠佳，甚至有傳可能被出售，唔知今次轉換球衣號碼之後，能否轉運呢？