集訓遇連格爭合照　翁煦濤：佢好有耐性

正在南韓集訓的港超球隊理文，周三（7日）意外撞正韓職球隊FC首爾訓練，眾將更不忘與對方陣中的前曼聯球員、英格蘭國腳連格合照，令人相當羨慕，其中後衞翁煦濤大讚他相當有耐性。

理文為備戰新季，於7月31日赴南韓集訓，其中日前在首爾一次練習期間，意外撞正前曼聯、英格蘭國腳連格所效力的韓職球隊FC首爾，而在場的連格亦相當友善，對眾人合照要求來者不拒。其中後衞翁煦濤受訪時，大讚這名中場毫無架子：「自己撐曼聯，嗰日差唔多成隊走去影相，佢都冇發脾氣，真係好有耐性。」

至於作為曼聯和英格蘭擁躉，中場顏樂楓亦對有機會與連格合照，坦言難以抗拒：「本身唔太特別鍾意佢，但係好想同曼聯球員影吓，始終佢之前嘅表現都好值得欣賞嘅。」提到連格早前曾因狀態、態度問題遭教練質疑，「光頭」則認為需要體諒：「我諗佢去到南韓，同我哋外援一樣都需要時間適應，包括天氣、生活習慣。見佢近期都有得踢，入番幾球波，仲做埋隊長，我諗狀態好咗好多。」