利物浦出招！5,100萬鎊搶購「新阿朗素」

利物浦今個夏天聘請荷蘭主帥施洛執教後，轉會市場一直按兵不動，不過一出手就嚇球迷一跳，據報「紅軍」即將簽入西班牙國腳中場蘇比文迪，更不惜「一炮過」支付5,100萬鎊買斷費搶人！

據西班牙傳媒爆料，蘇比文迪同皇家蘇斯達嘅合約，有5,100萬鎊買斷條款，雖然價格唔算特別高，但買方需要「一炮過」畀晒全部錢，令唔少豪門卻步。消息指利物浦就準備啟動買斷條款，而蘇比文達亦願意轉會，成事機會頗高。

25歲嘅蘇比文迪司職防守中場，以創造力同組織力見稱，踢法同前利物浦球星沙比阿朗素有幾分相似，佢今夏更協助西班牙贏得歐國盃冠軍，利物浦簽到佢嘅話，中場力量必大大加強。