牙買加男子4X100米倒灶出局　又係衰接棒

巴黎奧運男子4X100米初賽，奪標熱門之一牙買加在小組跑第4，時間係超慢嘅38秒45，被淘汰出局，小組首名係中國隊，時間38秒24，未有參賽嘅中國飛人蘇炳添送上祝賀。

男子4X100米世界紀錄同奧運紀錄都係由牙買加所創，係保特年代2012年倫敦奧運造出嘅36秒84，不過自從保特退役，牙買加短跑缺乏領軍人物，成績稍下滑，今屆接力隊由今屆100米銀牌得湯遜率領，係奪標熱門之一。

但係牙買加跑手表現令人大跌眼鏡，今場初賽兩次交棒都嚴重犯錯，速度大受影響，結果跑第4，倒灶出局，前3名中國、法國同加拿大晉級。

睇番另一組成績，美國以37秒47首名晉級，此組時間明顯更快，因此前5名計有美國、南非、英國、日本同意大利晉級。