對手搏到殘 女狂牛趁機攞尾彩
2024年08月09日 16:01
東網電視
更多新聞短片
女奧足季軍戰，西班牙女足對德國女足。
女奧足季軍戰，西班牙女足同德國女足爭奪銅牌。兩軍淘汰賽跌Watt，論近況「女狂牛」始終高啲，遇上兵疲嘅「德女」可攞尾彩，主勝捧得過。（HOY TV 76台周五晚9時直播）
挾上年世盃及今年歐國聯盟主嘅「狂牛女足」，今屆頭3場分組賽全勝，點知8強對哥倫比亞竟然先落後兩粒，幾經辛苦扳平再藉互射12碼晉級，去到4強鬥巴西早早失烏龍波，最終倒灶出局，不過今次係佢哋首次亮相奧運，打入4強都叫收貨。
相比下德國明顯今非昔比，分組賽2勝1負表現麻麻，去到淘汰賽亦谷唔起，8強鬥衞冕嘅加拿大，尾段全程捱打，艱苦守和再靠互射12碼僥倖晉級，4強對美國又要踢到加時，終於頂唔住輸0比1，連續兩場都要捱到加時，你話唔攰就假，兵疲之下難阻擋西班牙女足。
更多賠率：