女奧足決賽！巴西美國「細」紀之戰
2024年08月10日 19:00
東網電視
更多新聞短片
女奧足決賽，巴西女足火併美國女足。
女奧足上演王者戰，由巴西女足火併美國女足。巴西女足上下一心，希望幫「女球王」瑪達告別前一圓金牌夢，不過美國女足亦非善類，加上近年碰頭旺少交收，決賽場合必定小心謹慎，寧捧2.5球入球細。（HOY TV 76台周六晚11時直播）
巴西女足喺老將瑪達停賽兩場下，憑住嘉比樸迪露、阿祖安娜、姬洛蓮等輪流發威，於淘汰賽接連殺退法國女足及西班牙女足，「保送」瑪達入決賽。要知道呢位已經參加咗6屆奧運嘅女球王，早前已宣布踢埋今屆就會退出國家隊，依家金牌就喺眼前，眾將都想幫瑪達奪金完美告別，不過「森巴女將」近7次對美國女足輸晒，確係有所忌憚，今仗勢必先鞏固防守，唔敢輕舉妄動。
另邊廂，4屆金牌得主美國女足，今屆5戰未輸過僅失2粒，攻守平衡，不過要留意，「美女」近兩場法定時間都係互交白卷，要鬥到加時先險勝日本女足及德國女足，體力消耗極大，今仗一定穩陣行先。翻查紀錄，雙方近4次碰頭，有3次開2球或以下，加上決賽場合，為免有乜閃失隨時踢得更保守，2.5球入球細乃不二之選。
更多賠率：