曼城增兵「太消極」？哥迪奧拿咁回應

曼聯、阿仙奴、車路士等英超勁旅今夏紛紛大肆增兵，上季冠軍曼城只係簽入翼鋒沙維奧，被指「太消極」，削減新一季競爭力。不過，哥迪奧拿仍然好淡定話現時陣容夠用，唔一定會簽人。

曼城出戰社區盾對曼聯前夕，哥迪奧拿被問到會否簽入新兵，佢話：「等轉會市場臨近關閉再睇睇，現時仲未知。」雖然前鋒祖利安艾華利斯好大機會轉投馬體會，但哥帥透露會率先考慮簽入防守中場，最好係可以同時勝任中堅嘅「全能戰士」。

對於曼聯及阿仙奴重金買人，驚唔驚爭標受威脅，哥迪奧拿神回應：「佢哋多年來一直都係咁做，並唔係新聞。」似乎睇死紅魔鬼及兵工廠增兵，都難成氣候。