迪歷特撞車不顧而去　面臨3年監禁

根據德國傳媒爆料，拜仁慕尼黑中堅馬菲斯迪歷特喺當地時間8月7日早上，開車期間撞到停泊球會附近另一部車輛，但卻不顧而去，觸犯法例，一旦罪成，最高刑罰需要入獄3年。

德國《圖片報》指馬菲斯迪歷特駕駛嘅名車奧迪Q8 e-tron有損毀，畀佢撞到嘅車輛需要拖走。德國警方正在調查事件起因，當地傳媒指馬菲斯迪歷特可能需要接受檢驗，睇下能否通過聽覺、視覺、觸覺等測試。

近期傳出曼聯提出收購馬菲斯迪歷特，佢亦希望成「魔」，但轉會交易仍然停滯不前，未知佢是否受前途問題影響心情，造成今次交通意外。