車路士今夏第9簽　5,400萬鎊收購柏度尼圖

車路士今夏繼續瘋狂增兵，根據英國《太陽報》爆料，車仔已經同狼隊達成協議，以5,400萬鎊(約5.36億港元)買入狼隊翼鋒柏度尼圖，只要呢位24歲葡萄牙國腳通過體測，就會成為今夏第9位上「車」新兵。

柏度尼圖因為傷患問題，上季英超僅上陣20場入2球，但仍然被視為狼隊最優秀球員，因此車路士不惜豪花5,400萬鎊收購佢，另加250萬鎊浮動轉會費。柏度尼圖出身於葡超球隊布拉加，5年前轉投狼隊，表現最出色係2020/21年球季，踢31場英超入5球，但近3季經常受傷，上陣時間唔多，轉投車路士之後能否回勇，實屬疑問。

狼隊出售柏度尼圖之後，計劃收購阿積士20歲翼鋒卡路士科比斯填補空缺。