外流港將　勁射轟中超處子球　陳晉一：意想不到

中超勁旅上海申花周六（10日）出戰第22輪聯賽，在後備入替的港將陳晉一，成功收穫中超處子球下，最終以5比1大勝南通支雲。賽後「一仔」受訪時坦言感到開心之餘，亦有點意想不到，而他亦是今季第5位在中超取得入球的香港球員。

賽前在聯賽3次上陣的陳晉一，今場對南通支雲於67分鐘後備入替，而86分鐘更在禁區頂無人看管下，起左腳勁射得手，攻入個人在中超首球，兼為球隊埋齋贏5比1。賽後「一仔」接受官方訪問表示：「最後20、30分鐘入嚟，就想把握機會，盡力做好自己比較擅長嘅嘢。不過入波係意想不到，幾開心，之後會好好休息，繼續全力而赴。」

至於主教練斯盧茨基，亦對「一仔」近期的發揮給予讚賞：「始終陳晉一較遲加入球隊，但佢喺早前嘅足協盃都踢足120分鐘，表現令我滿意，嚟緊肯定會有更多出場時間同機會。」