離開曼聯一樣黑　華拉尼首演23分鐘即傷

法國中堅華拉尼今夏由曼聯轉投科木，周一(12日)凌晨意盃首度披甲，但只係踢咗23分鐘就受傷退下火線，科木亦慘被踢出局，離開曼聯後似乎繼續黑氣纏身。

華拉尼上季喺曼聯飽受傷患困擾，唔少球迷話曼聯軍醫同訓練方法有問題，不過呢位31歲中堅轉會科木一樣黑仔。周一喺意盃第1圈作客森多利亞首演，正選上陣踢23分鐘即受傷離場，返到後備席後左腳膝頭即被包紮，疑似係膝部傷患。

由法比加斯執教嘅科木，最後同森多利亞踢成1比1平手，雖然有西班牙老牌門將連拿把關，但喺互射12碼輸3比4出局。