【有片】兩場入兩球 格連活特成為馬賽核心
2024年08月12日 22:05
東網電視
更多新聞短片
馬賽社交平台X
曼聯棄將格連活特轉投馬賽後，表現愈嚟愈好，近期連續兩場熱身賽有入球，成為主帥迪薩比進攻核心，新一季法甲表現值得期待。
雖然家暴及強姦等罪名早已脫罪，但曼聯內部員工、女足、球迷都拒絕接納格連活特歸隊，曼聯被逼將佢出售去馬賽，轉會費3,100萬歐元(約2.63億港元)，簽約5年。
格連活特上季外借到基達菲早已回復狀態，嚟到馬賽自然冇問題，前一場熱身賽對法乙FC波城，呢位英格蘭射手正選上陣已經開齋，跟住熱身賽對奧格斯堡，再射入一球。
格連活特對奧格斯堡入球片：
馬賽會方形式呢個入球係靚波，特別剪輯放上社交平台，供大家觀賞，格連活特融入迪薩比戰術體系絕無問題，佢可以作為翼鋒內切射門，亦擁有過關斬將能力，成為球隊進攻核心，同時獲得馬賽球迷接受。
馬賽是一個移民城市，聚集大量非洲移民，球會亦主打包容寬鬆，格連活特雖然個底花晒，但嚟到馬賽順利融入，加上迪薩比調教，期待呢位昔日曼聯天才在法甲崛起。