一生中最愛？艾華路莫拉達突然離婚

剛帶領西班牙贏得歐國盃嘅隊長艾華路莫拉達，周一（12日）突然在社交平台動態宣布，與結婚7年嘅意大利籍妻子愛麗絲卡比路離婚，兩人育有3子1女，一家六口幸福家庭就此分離。

莫拉達今次離婚非常突然，因為上月中西班牙贏得歐國盃，仲見到佢妻子帶住4個仔女落早地，一家六口影全家幅捧盃相，兩星期前一家去度假，兩公婆喺夕陽下接吻，莫拉達仲留言：「一生中最愛」，估唔到兩人依家要分開。

31歲嘅莫拉達喺動態中發長文，解釋兩人離婚原因，強調互相尊重，亦並非作故仔博收視，只因為雙方不斷誤解令感情消磨，妻子在佢心中永遠有一個特殊位置。莫拉達今季將轉投AC米蘭，將會重返意大利生活同比賽。

資料顯示，莫拉達於2016年同妻子訂婚，2017年結婚，2018年7月雙胞胎兒子出世，兩年後第3兒子出世，去年小女兒出世，組成一家六口家庭。