曼聯第3作客球衣　「黑魔鬼」最搶眼

曼聯公布新一季第3作客球衣，以白色為主色，心口位置有紅黑橫間，簡約得來又有型格，獲得網民好評，甚至認為比深藍色作客球衣更加好睇。

曼聯上月公布作客球衣，轉為「海軍藍」，大玩3D效果，略嫌浮誇，更加被網民指似車路士。紅魔鬼今次推出嘅第3作客球衣，設計就簡單好多，最特別係隊徽圖案大為簡化，變成單純一隻「黑魔鬼」。

球衣贊助商ADIDAS標誌由三間，轉為Originals系列嘅花形標誌，屬於近年比較破格嘅設計，相信可以吸引大量曼聯球迷購買收藏。