似曾相識　沙治羅拔圖告別巴塞落淚

巴塞隆拿又一老臣子離隊，32歲隊長沙治羅拔圖日前自己宣布離隊，結束18年巴塞生涯，周一（13日）開記者會同大家告別，頻頻抹眼淚，呢一幕同3年前隊長美斯宣布離隊，何其相似。

沙治羅拔圖2006年加入巴塞B隊，4年後提拔上一隊效力至今，共上陣373場入19球，隨隊贏得7次西甲冠軍、2次歐聯、2次世冠盃、2次歐超盃、6次西班牙盃同6次西超盃。

在記者會上，沙治羅拔圖多次抹眼淚，他說：「從首次亮相到成為隊長，再贏得所有可能的冠軍，係一個獨特時刻同經歷，我和我的偶像以及世界上最好的球員和教練共用一個更衣室，這是真正的榮幸，我離開時感到自豪，因為我始終將球會利益置於個人之上。」

經歷過告別巴塞傷痛嘅美斯，發短訊安慰沙治奧羅拔圖，美斯短訊表示：「祝你新一階段順利，一切安好，沙治奧羅拔圖！」巴塞名宿及前主帥沙維都有在記者會現身，亦係佢離任後首次露面。

未能做到一生一球會，沙治羅拔圖下一站有多個選擇，包括加盟國際邁亞密同美斯再度合作，或前赴沙特聯賽掘金，一切未有定案。