【官宣】般尼茅夫第5簽　巴塞後衞加盟

英超球會般尼茅夫今個夏天積極增兵，周三(14日)宣布由巴塞隆拿收購後衞祖利安阿拿奧祖，呢位23歲新星簽約5年，轉會費約1,000萬歐元。

祖利安阿拿奧祖上年先由洛杉磯銀河加盟巴塞隆拿，隨即被外借去拉斯彭馬斯，喺西甲上陣25場，般尼茅夫行政總裁比力克表示：「我哋已經留意佢一段時間，佢好年輕而且好有潛力，好開心可以擊敗眾多競爭，將佢帶到般尼茅夫。」

般尼茅夫夏天已簽入甸恩曉贊、史尼斯泰拉、伊尼斯烏納同阿歷斯波臣，祖利安阿拿奧祖成為季前第5簽，佢哋早前高價賣走蘇蘭基後，仍會物色一名正選前鋒加盟。