贏硬歐超盃？皇馬勢破3大紀錄

周四(15日)凌晨將上演歐超盃，由上屆歐聯冠軍皇家馬德里對歐霸盃盟主阿特蘭大，雙方實力有距離，西甲豪門皇馬主W熱到只有1.39倍，明顯被睇高一線，如果「銀河艦隊」奪冠軍，更加可以打破3大紀錄。

首先，皇馬現時與巴塞隆拿、AC米蘭，同樣以5次屬於歐超盃史上奪冠最多次嘅球隊之一，只要今場贏波，就可以獨享「歐超盃之王」美譽。

第二，皇馬主帥安察洛堤曾經4次以教練身份奪得歐超盃，同曼城領隊哥迪奧拿並列第一，今仗有望超越哥帥。

第三，皇馬2位老將丹尼爾卡華積、莫迪歷曾經4次捧歐超盃，同賓施馬、丹尼爾、卻奧斯、馬甸尼，並列第一，如無意外，丹尼爾卡華積同莫迪歷有望破紀錄第5次獲此殊榮。