朗拿甸奴囝囝加盟般尼　簽約2年

巴西傳奇球星朗拿甸奴嘅囝囝登陸英格蘭！轉會消息權威Fabrizio Romano周四(15日)證實，「細哨」囝囝祖奧文迪斯已加盟英冠球會般尼，據報雙方簽約2年，最快可以喺今個周末上陣。

19歲嘅祖奧文迪斯喺高士路出身，上年得到爸爸幫助下喺巴塞隆拿試腳成功，不過1年合約未有為佢得到任何一隊上陣機會，6月約滿後回復自由身。般尼近日同祖奧文迪斯達成協議，並已簽約2年兼拎埋波衫影相。

司職左翼嘅祖奧文迪斯，真正實力係點仍然唔係太清楚，但話題性就爆晒燈。英國《太陽報》指佢最快可以喺周六(17日)對卡迪夫城嘅聯賽候命，般尼首仗4比1大破盧頓，今季將以重返英超為目標。