英聯盃第2圈抽籤　即演2場英超對決

英聯盃第2圈周四(15日)進行抽籤，當中出現2場「英超對決」，包括韋斯咸主場對般尼茅夫、諾定咸森林對紐卡素。

被視為「雞肋」嘅英聯盃，第2圈除咗7支有份出戰歐洲賽球隊輪空之外，其餘13支英超球隊都會加入，25場賽事當中就有韋斯咸主場對般尼茅夫、諾定咸森林對紐卡素兩場英超對決，其餘焦點賽事包括狼隊對般尼、水晶宮對諾域治、愛華頓對唐卡士打等等。

第3圈賽事就會加入曼城、阿仙奴、曼聯、利物浦、熱刺、車路士同阿士東維拉7隊，利物浦係衞冕球隊，佢哋上屆決賽以1比0擊敗車路士奪冠。