有出冇入！利物浦新星轉投薩爾斯堡

英超勁旅利物浦今季改由施洛領軍，不過夏天轉會市場未有任何收購，反而不斷賣走陣中年輕新星。據報上季嶄露頭角嘅19歲中場波比奇勒，將以1,000萬鎊轉會費加盟奧地利嘅薩爾斯堡，跟前利物浦助教連達斯搵食。 利物浦日前將新星法比奧卡華奴，以2,000萬鎊賣去賓福特，周四(15日)再決定將波比奇勒賣去薩爾斯堡，呢支奧地利班霸嘅教練，正正係高普多年助手連達斯，今季「坐正」做薩爾斯堡教練，就成功將波比奇勒撬走。 利物浦早前收購西班牙中場蘇比文迪失敗，至今仍然係歐洲5大聯賽球會當中，今夏唯一仍冇任何增兵球隊。