有出冇入！利物浦新星转投萨尔斯堡

英超劲旅利物浦今季改由施洛领军，不过夏天转会市场未有任何收购，反而不断卖走阵中年轻新星。据报上季崭露头角嘅19岁中场波比奇勒，将以1,000万镑转会费加盟奥地利嘅萨尔斯堡，跟前利物浦助教连达斯搵食。 利物浦日前将新星法比奥卡华奴，以2,000万镑卖去宾福特，周四(15日)再决定将波比奇勒卖去萨尔斯堡，呢支奥地利班霸嘅教练，正正系高普多年助手连达斯，今季“坐正”做萨尔斯堡教练，就成功将波比奇勒撬走。 利物浦早前收购西班牙中场苏比文迪失败，至今仍然系欧洲5大联赛球会当中，今夏唯一仍冇任何增兵球队。