馬天尼斯宣布改着23號：我係迷信！

阿士東維拉周日(18日)凌晨英超開鑼戰作客韋斯咸，門將達米安馬天尼斯賽前宣布，新球季將放棄1號波衫，改用喺阿根廷國家隊着嘅23號，自認迷信嘅佢解釋因為23號夠「旺」。

達米安馬天尼斯4年前由阿仙奴轉會阿士東維拉後，一直都係做「No.1」，今季開波前突然宣布改着23號，呢個號碼係佢喺阿根廷所用，達米安馬天尼斯希望可以將國家隊嘅運氣帶到球會。

31歲嘅達米安馬天尼斯表示：「我喺維拉已經着咗4年1號，但喺阿根廷着23號就贏盡所有冠軍，呢日亦係我個仔出世嘅日子。我真係超級迷信，所有我決定轉23號，呢個係對我同屋企人都好有意義嘅號碼。」