豪門棄兵！史高斯批迪歷特係「二流後衞」

曼聯喺英超開鑼戰，用4,500萬鎊簽入荷蘭中堅馬菲斯迪歷特，呢位25歲球星曾經喺阿積士同坦哈格合作無間，不過曼聯名宿史高斯日前表示，馬菲斯迪歷特只屬「二流後衞」，曼聯用高價買佢難免令球迷有所顧慮。

史高斯表示：「馬菲斯迪歷特喺拜仁冇得踢，絕對係個憂慮，就連艾歷迪亞都排喺佢前面，呢一點令我好擔心。祖雲達斯唔要佢，因為佢水平唔夠高，喺拜仁慕尼黑又明顯唔夠班，曼聯只係簽咗個『二流後衞』。只係因為佢2、3年前同坦哈格合作過，曼聯就用4,000萬鎊、5,000萬鎊去簽佢。」

現年25歲嘅馬菲斯迪歷特，喺阿積士出道後大獲好評，但之後轉會祖雲達斯同拜仁慕尼黑都踢唔出預期水準，上季喺拜仁未受杜曹重用，只喺德甲踢過16場正選，夏天代表荷蘭出戰歐國盃，但1分鐘都未落過場。