車路士提新方案　先借後買查頓辛祖

曼聯出售查頓辛祖計劃仍然繼續，多間傳媒報道，巴黎聖日耳門談判面臨觸礁，車路士向曼聯提出新方案，就係先借後買或用球員加錢換查頓辛祖。

雖然有傳查頓辛祖由多蒙特回歸後，與主帥坦哈格關係已經緩和，但曼聯出售查頓辛祖計劃並未收回，目標係能以4,000萬歐元出售(約3.4億港元)，早前斟介最積極係巴黎聖日耳門，但近日報道談判可能已經告吹。

車路士一直係潛在買家之一，佢哋向曼聯提出兩個新方案，第一個係先借後買，車路士承擔查頓辛祖工資，另一個係用兩名青訓球員加轉會費交易。

查頓辛祖上季協助多蒙特打入歐聯決賽，證明自己有能力在頂級賽事立足，喺曼聯表現不佳只係踢法不適合，可能去車路士有唔同表現。