【官宣】熱刺簽入般尼天才　簽約5年

熱刺周五(16日)官方宣布，斟妥般尼19歲天才翼鋒威爾遜奧度拔，簽約5年，將會着28號球衣，轉會費據報3,700萬歐元(約3.1億港元)，成為普斯迪高路進攻體系其中一員。

威爾遜奧度拔於巴黎聖日耳門青訓出身，2022年在當時仍在法甲嘅特魯瓦出道，上陣32場入4球2助攻，上季為般尼征戰英超，上陣33場交出4球3助攻，今季般尼降班，佢在剛開咧嘅英冠亦已經射入1球，顯示狀態甚佳。

熱刺上季季初成績甚佳，一度高踞榜首，不過後來受主力傷病影響，後備力量不足，導致成績下滑，今季熱刺已簽入蘇蘭基及艾治格雷，依家再買入威爾遜奧度拔，進一步壯大陣容，決心捲土重來。