車路士人滿之患　15人無法參加一隊操練

車路士今夏繼續大肆增兵，加上外借回巢球員，現時大軍名單多達43人，領隊馬利斯卡表示，只可以揀選28人參加一隊操練，換言之有15位球員只能自己訓練。

車路士將於周日(18日)晚英超主場對曼城，賽前主帥馬利斯卡對於球隊有人滿之患，感到頭痛，佢話：「現時我手上有43位球員，但唔係好事，因為實際上，我冇可能兼顧咁多球員，只可以揀選28位球員操練。」

至於15位冗員好大機會被出售或者外借，包括前鋒盧卡古、門將阿列沙巴拿加等。另外，馬利斯卡承認，將會出售左後衞芝維爾。