費倫再斟紅魔兵　有望簽連迪路夫

意甲球隊費倫天拿繼早前簽入前曼聯門將迪基亞之後，準備再向紅魔鬼球員招手，根據意大利著名體育記者迪馬斯奧(Gianluca Di Marzio)爆料，費倫天拿今次計劃簽入域陀連迪路夫。

曼聯今季已簽入3位後衞，包括蘭尼約路、馬菲斯迪歷特、馬沙拉奧，加上利辛度馬天尼斯已經擺脫傷患問題，令防線有人滿之患，早前已傳出有意出售只剩下1年合約嘅中堅域陀連迪路夫。

據悉費倫天拿已經聯絡曼聯方面，了解轉會費數額，如果價錢太高，可能提出借用。一旦成事，域陀連迪路夫就可以同迪基亞再次合作。

此外，德甲球會法蘭克福都睇中域陀連迪路夫，可見呢位30歲瑞典國腳仍然非常搶手，預料曼聯可以喺今夏轉會市場關閉前出售佢。