麥湯米尼同意加盟拿玻里　曼聯索價2.1億

曼聯出售麥湯米尼步伐加快，據報至少3支英超隊表示興趣，意甲拿玻里亦是主要買家，而且麥湯米尼已經同意加盟拿玻里，只差同曼聯轉會費談判，而曼聯要價2,500萬至3,000萬歐元(約2.1億至2.5億港元)。

雖然麥湯米尼表現唔差，但在坦哈格麾下只能做後備，社區盾同聯賽揭幕戰都係後備上陣，其中揭幕戰對富咸仲做咗幸運童子，佢84分鐘上陣，球隊87分鐘就入波奠勝，不過會方仍然冇打算留住呢位青訓產品。

意大利傳媒報道，麥湯米尼已經答應加盟由干地執教嘅拿玻里，之後就由拿玻里同曼聯談判轉會費金額，曼聯不接受外借，希望收取現金，要價2,500萬至3,000萬歐元，拿玻里要出售主力先夠錢買。