高華錫打爆車仔2.2億鎊中場 保利速逃！
2024年08月19日 13:04
東網電視
更多新聞短片
車路士班主保利未完場已走人。
車路士2年前由美國班主保利接掌後，瘋狂斥巨資搜羅球星，不過就被炮轟組軍毫無計劃。開鑼戰主場0比2輸畀曼城，為曼城攻入第2球嘅高華錫，正正就係上年被車路士以賤價踢走，佢入波前喺車仔價值2.2億鎊鎊中場線如入無人之境，保利睇完呢一幕即第1時間轉身走人！
車路士上季掃走高華錫、尼高路簡迪等中場，其中高華錫以2,900萬鎊超低價轉投曼城，而車路士就動用2.2億鎊，打造安素費南迪斯同摩西斯卡些度嘅貴價中場組合。今場交鋒高華錫表現完勝，佢84分鐘喺中場截波後即向中間狂推，輕鬆避開摩西斯卡些度同安素費南迪斯嘅「求其」攔截，禁區頂轟入世界波。
高華錫倒戈入波後拒絕慶祝以示尊敬，但鏡頭就影到喺包廂嘅保利「冇眼睇」，仲有幾分鐘先完場就轉身走人。