喪攻專家交鋒好睇過戲 李城熱刺皆大歡喜
2024年08月19日 20:00
東網電視
更多新聞短片
英超首輪壓軸大戰，新升班嘅李斯特城主場迎戰熱刺。李斯特城以英冠冠軍身份再戰英超，主攻踢法係球隊嘅招牌，今場遇正同樣擅長「喪攻」嘅熱刺，攻門鏡頭肯定嘭嘭聲！兩隊近年對賽都夠晒娛樂性，3.5球嘅入球大冇甩拖！（Now 621周二凌晨3時直播）
熱刺喺開鑼前以破球會紀錄轉會費收購前鋒蘇蘭基，配合隊長孫興民同古路施夫斯基等進攻好手，火力非常強大，隊長孫興民踢返擅長嘅翼鋒位置，威力更有保證，呢位南韓國腳近14次聯賽對李斯特城，有9個入波同4次助攻製造13球，堪稱係「狐狸剋星」。
熱刺澳洲主帥普斯迪高路上季以「喪攻」戰術見稱，季前熱身亦繼續有前冇後打法，4場熱身入10球又失咗10球，當中3場入5球或以上。熱刺攻強守弱之餘，今場仲有防守中場比蘇馬因紀律問題被球會停賽，缺少埋呢位硬漢做掃蕩，頭重尾輕問題更加嚴重。
李斯特城上季英冠狂入89球，雖然意大利主帥馬利斯卡離隊，但球隊多年來主攻踢法唔會改變。李斯特城同熱刺都擅長進攻，對上5次交手全部鬥得燦爛，總入球全開4球或以上，3.5入球嘅大盤必捧。
更多賠率：