丧攻专家交锋好睇过戏 李城热刺皆大欢喜
2024年08月19日 20:00
东网电视
更多新闻短片
英超首轮压轴大战，新升班嘅李斯特城主场迎战热刺。李斯特城以英冠冠军身份再战英超，主攻踢法系球队嘅招牌，今场遇正同样擅长“丧攻”嘅热刺，攻门镜头肯定嘭嘭声！两队近年对赛都够晒娱乐性，3.5球嘅入球大冇甩拖！（Now 621周二凌晨3时直播）
热刺喺开锣前以破球会纪录转会费收购前锋苏兰基，配合队长孙兴民同古路施夫斯基等进攻好手，火力非常强大，队长孙兴民踢返擅长嘅翼锋位置，威力更有保证，呢位南韩国脚近14次联赛对李斯特城，有9个入波同4次助攻制造13球，堪称系“狐狸克星”。
热刺澳洲主帅普斯迪高路上季以“丧攻”战术见称，季前热身亦继续有前冇后打法，4场热身入10球又失咗10球，当中3场入5球或以上。热刺攻强守弱之馀，今场仲有防守中场比苏马因纪律问题被球会停赛，缺少埋呢位硬汉做扫荡，头重尾轻问题更加严重。
李斯特城上季英冠狂入89球，虽然意大利主帅马利斯卡离队，但球队多年来主攻踢法唔会改变。李斯特城同热刺都擅长进攻，对上5次交手全部斗得灿烂，总入球全开4球或以上，3.5入球嘅大盘必捧。
更多赔率：