神劇情！根度簡有望回歸曼城！

德國球星根度簡上年離開曼城，以自由身加盟巴塞隆拿，估唔到新篇章1季就玩完。據西班牙傳媒報道，呢位33歲老將已獲巴塞通知可以離隊，更意想不到嘅劇情係，啱啱宣布由國家隊退役嘅佢，正獲曼城力邀回巢，有望重披「藍月亮」戰衣！

根度簡喺西甲開咧戰未入巴塞大軍名單，即爆出佢將會離隊消息，消息指巴塞為騰出空間為新簽嘅丹尼爾奧莫註冊，已決定畀呢位老將轉會，一直有傳根度簡會去土超搵食，但原來等人用嘅曼城對佢念念不忘，領隊哥迪奧拿上季已承認根度簡位置冇人代替，《The Athletic》等權威媒體都指根度簡回歸成事機會唔細。

根度簡有望重返英超，同時亦宣布退出德國國家隊：「經過幾個星期考慮，我決定結束國際賽生涯，喺歐國盃前我已經覺得身心出現疲態，依家國家隊同球會嘅賽事有多冇少，亦令我要作出決定，我會繼續係德國國家隊嘅最大支持者。」