薩爾斯堡首席射手打柴 基輔當弗搶W
2024年08月21日 19:02
東網電視
更多新聞短片
基輔戴拿模是歐聯常客。(Getty Images)
歐聯附加賽首回合大戰，基輔戴拿模迎戰薩爾斯堡，邊隊贏出呢一圈就可以殺入獎金豐厚嘅聯賽階段，肯定搏到盡！基輔係歐聯常客，陣中多名烏克蘭國腳經驗豐富，可以秤高半線，主勝值得捧場。（Now 638周四凌晨3時直播）
基輔戴拿模由傳奇門將舒高夫斯基領軍，陣中超過半隊都係國家隊成員，包括踢過100場歐洲賽事嘅星級前鋒耶莫蘭高，呢位曾踢過多蒙特同韋斯咸嘅球星今屆歐聯已入2球，狀態有保證。呢支烏克蘭勁旅踢法機動兼合作性一流，絕對唔可以睇小。
佢哋今屆歐聯已先後淘汰柏迪遜同格拉斯哥流浪兩支實力分子，4場比賽有3勝1和佳績，連埋烏克蘭聯賽開咧2連勝，基輔戴拿模今季6場正式比賽5勝1和，表現值得期待。
薩爾斯堡由前利物浦助教連達斯執教，不過球隊嘅主攻戰術相當冒險，今季5場比賽只得1場能夠保持不失，上一圈以總比數5比4淘汰川迪就好驚險，最慘係上季入22球嘅首席射手卡林干拿迪因傷倦勤，作客攻守兼備嘅基輔戴拿模勢處下風，博主勝好路。
更多賠率：