麥湯米尼決定留隊　獲坦哈格支持

盛傳曼聯計劃今夏出售中場麥湯米尼，但呢位27歲蘇格蘭國腳已經拒絕兩間球會開出嘅合約條件，並決定留隊，獲得領隊坦哈格支持。

據悉水晶宮、白禮頓、富咸、加拉塔沙雷、拿玻里都有興趣簽入麥湯米尼，但提出嘅轉會費都未達曼聯要求嘅2,500萬鎊(約2.5億港元)，其中拿玻里更加只係想借用，令交易難以成事。事實上，麥湯米尼一直對於是否離隊有所保留，考慮各種因素之後，決定留效紅魔鬼。

雖然麥湯米尼只剩下1年合約，但曼聯可以自動同佢續約1年，亦唔急於出售佢。麥湯米尼上季為曼聯上陣43場入10球，多次關鍵時刻拯救球隊，所以領隊坦哈格尊重麥湯米尼留隊意願，唔會勉強賣走佢。