進軍網上頻道　C朗玩「秘密結婚」吸客

葡萄牙巨星C朗開設新網上頻道，頭炮節目親身上陣，搵埋「未婚妻」喬治娜玩一個名為《Mr. & Mrs. Quiz》遊戲，節目名稱本身有先生、太太意思，加上C朗一開始就話：「讓我隆重介紹我嘅老婆。」似乎暗示兩人已經結婚。

從節目片段可以見到，C朗同喬治娜嘅無名指都戴上戒指，疑似係婚戒，更加令人覺得佢哋已經結婚。事實上，近年已多次傳出C朗同喬治娜結婚，但一直未有官宣，C朗似乎想趁開設新網上頻道，確認兩人「夫妻關係」。C朗呢招果然見效，首段片上載到頻道頭45分鐘內，已經有超過34萬人訂閱。

C朗同喬治娜2016年相戀，1年之後，兩人首位愛情結晶品誕生，呢位30歲西班牙模特兒2022年再為C朗誕下一對龍鳳胎，不幸男嬰夭折。據悉C朗當時為陪伴喬治娜，缺席季前熱身賽，導致開季後狀態欠佳，被曼聯領隊坦哈格打入冷宮，最終同紅魔鬼不歡而散。