一個原因　巴塞有望簽入辛祖

曼聯翼鋒查頓辛祖去留問題仍然有變數，根據西班牙媒體《Sport》爆料，巴塞隆拿計劃借用呢位24歲英格蘭球星，皆因巴塞總監迪高係辛祖嘅球迷，認為佢非常適合西甲風格。

曼聯一直想出售查頓辛祖，標價4,000萬鎊(約4.1億港元)，但未有球會願意以呢個價錢接貨，巴塞隆拿今次亦只係提出借用，至於能否成事，仍有待兩間球會高層商討。

巴塞總監迪高負責轉會事務，早前促成收購RB萊比錫中場丹尼爾奧莫，據悉佢非常欣賞查頓辛祖，相信會加多幾錢肉緊，遊說曼聯放人。

曼聯上季將翼鋒格連活特外借去西甲球隊基達菲，佢表現出色，獲多間球會垂青，紅魔鬼最後將佢出售畀馬賽。因此，唔排除將查頓辛祖外借去巴塞，只要佢踢出身價，就不愁冇買家。