維拉為歐聯再增兵　出手搶史達寧

阿士東維拉今夏積極增兵，以應付英超、歐聯雙線作戰，根據英國《每日郵報》爆料，維拉主帥艾美利打算趁車路士「雪藏」史達寧，爭取簽入呢位29歲翼鋒提升攻力。

史達寧落選車路士近2場比賽大軍名單，甚至連7號球衣都冇埋，被新加盟嘅柏度尼圖着咗，明顯已經唔屬於領隊馬利斯卡嘅組軍藍圖之內。不過，艾美利就非常欣賞史達寧，認為佢擁有豐富歐洲賽經驗，有助球隊喺歐聯爭取佳績，史達寧現時冇波踢，加盟維拉都係一個唔錯選擇。

不過，史達寧現時周薪高達32.5萬鎊(約330萬港元)，如果佢想加盟阿士東維拉，難免需要減人工。